喜來稀肉 (瓊華中心)

Open Now

Now Closed

喜來稀肉係我心目中係幾高質既韓燒! 今晚帶埋第一次食既朋友黎~ 佢都話好OK!呢到有個自助既小菜bar，出面有好多款泡菜! 好鐘意佢有提供蔥絲! 真係好少地方見到有，呢款好解膩。泡菜方面，佢有分酸泡菜或者佢地自家既喜來泡菜。一定要食佢地既喜來泡菜!! 平時出面食到既都係酸既款，我個人冇咁鐘意。佢地自家款係辣味同蒜味比較突出! 肉方面，我係好鐘意食佢地既護心肉，姐係隔膜肉。肉質特別嫩滑，好好食。牛肉方面就叫左喜來烤肉，呢款燒幾秒就食得，建議點下韓式燒肉醬再包埋生菜食! 食燒肉就想食D清爽D既野去解膩，叫左水冷面。好冰涼，冷面汁酸酸甜甜，好開胃之餘就解左燒肉既膩感!