米亭 (Closed)

深水埗發現呢間幾文青的餐廳，有d幾抵食的套餐。晚餐2個人埋單竟然唔洗$150就攬住個肚走，性價比超高。有兩款套餐，我同朋友一人嗌咗一款。套餐有一個主食x一個涼菜x一個醬菜+飲品。用木盤上菜，感覺非常之台式。朋友的川味黑豚肉餃x豆乳豚骨湯，餃子同我平時食嘅有啲唔同，佢係好彈牙，可能因為用咗黑毛豬？餃子微辣，配清清哋香濃嘅豆乳湯又幾夾。我哋發現醬菜的惹味蝦醬原來超好食，有點似辣少少嘅xo醬，蝦味重，又脆又有口感，配餃子食一流。另一個套餐揀咗米亭麻辣手撕雞，個麵+咗$15轉特濃花膠雞湯。我覺得呢15蚊物超所值！因為有兩隻大雞腳，仲有好多花膠，湯底真係超濃雞湯味，應該煲咗好耐先有呢個濃厚度，但係又一啲都唔油，我差唔多飲曬個湯。麻辣手撕雞味道ok夠麻香，最個底仲有好多蓮藕！涼菜我就揀咗比較少見嘅牛蒡，都幾夠味幾好食。飲品竟然仲有我鍾意嘅黑豆漿，成個set我就覺得好豐富。我哋另外嗌咗一個金絲蜜椒雞翼，因為見附近個個都嗌。點知真係幾好食，外脆內多汁，蜜糖味夠重，我鍾意！餐廳環境光猛舒適，下次會再嚟，因為想試下秘製脆汁豬扒。