燒洒一族 (南昌薈街市)

Open Now

Now Closed

老婆叫我放工加餸，去到南昌薈已經7點幾，諗住斬啲燒味返屋企食，點知差唔多關哂門🥲，好彩見到間「燒洒一族」，佢哋主打西式燒味🍖和酒醉🍶糸列，口號係「燒得嘅，都係燒味」👍，所以有燒雞脾、燒豬手、燒排骨、燒腩仔、燒春雞等，我今次就試咗蒜香南乳燒春雞、豬頸肉和蜜味烤雞脾🥰。至於酒醉糸列有成🔟款選擇，我今次試下佢地嘅熱賣之選，酒醉薰蹄😋。酒醉薰蹄 $45一閞蓋已經傳來陣陣酒香味🍶，薰蹄🐖外皮爽身，有肉味🥰，再加上薰蹄帶有微微酒香味，不會有因酒精度數過高所帶來嘅苦澀嗆喉感覺，非常好食😋。蒜香南乳燒春雞 $65燒春雞🐓燒得啱啱好，外皮脆口，雞肉滑多汁，充滿南乳和蒜香味🧄，就算係雞胸肉都完全唔嚡口😍。黑糖烤豬頸肉 $48豬頸肉🐖燒得焦香，有少少燶邊，肉質嫩滑，肥瘦均勻，非常惹味😋。香甜蜜味烤雞脾(2隻) $40雞脾🐓同樣外皮香口，入面juicy🤗，蜜糖味又甜又香，十分好味😋。總括而言，西式燒味選擇多，價錢親民，性價比高，店員又非常貼心❤，會問客人要否翻熱和斬件👍。至於酒醉系列更加係必試之選。「燒洒一族」分佈九龍、新界唔同嘅街市入面，最近更加係樂富街市入面閞咗新嘅分店，所以而家一共有8️⃣間分店啦。