黑木亭居酒屋 (清風街) (Closed)

天后不嬲都多好野食，見黑木亭網上好多好評，就黎睇下係咪真係咁好味。結果無令人望，樣樣食物都真材實料，真係超級好食。👍🏻👍🏻👍🏻💡🌟🦀首選推介：巨無霸蟹蓋飯好少打咁長GE形容詞去形容個炒飯，因為真係超好味，好味到成碟食晒，飽到上心口。成隻麵包蟹咁上，仲大過我個頭，佢仲要舖頭好貼心咁提供手套同個鉗俾客人用，先食左個蟹鉗，再慢慢嘆碟炒飯，真係ichiban。碟炒飯除左有蟹膏外，仲加入左鰻魚同三文魚籽，真係好足料。🌟 黑松露大拖羅蓉卷：超多黑松露，好香口同吞拿魚好夾。🌟豚肉年糕同雞脾菇：年糕煙煙靭靭，外脆內軟，口感好得意。雞脾菇好多汁，完全唔乾。🌟🦐豚肉虎蝦：食蝦最麻煩就係要剝殼，呢款 啱晒想食蝦又唔剝殼ge懶人。因為廚師已經好貼心咁剝左個殼再用豚肉包住，一口咬落去就可以有兩種享受。鍾意食蝦懶人必叫!👍🏻野飲都好好飲北海道芒果牛乳乳酸：酸酸甜甜好醒胃，仲有芒果肉，唔係用糖水溝出嚟👍🏻👍🏻👍🏻蜜桃味好清香，同烏龍茶真係最佳拍檔。雖然麵包蟹要$369，但真係物有所值。