丸作食茶 (葵芳匯) (Closed)

不得不提, 珍珠係每日人手新鮮製作, 夠晒特別同有誠意! 珍珠不含防腐劑及添加物, 可以安心食用~ 珍珠款式超多, 有白玉珍珠、焦糖珍珠、仙人掌珍珠、黑芝麻珍珠, 仲有新推出既荔枝珍珠, 每粒都煙煙韌韌, 有咬口。//丸作水果茶 +荔枝丸//我揀咗綠茶底, 裡面有蘋果🍎、橙🍊、青檸🍋、話梅。飲落鹹鹹甜甜, 感覺幾得意, 仲有潤喉作用~ 未試過飲水果茶裏面會有話梅成份, 係非一般既水果茶呢! //丸作柚柚綠//夏日推介☀️! 裏面含有大量柚子果肉, 足料, 好開胃! 如果鍾意酸啲, 可以選擇微糖, 柚子天然香氣會更突出。//白玉珍珠鳳梨綠茶//鳳梨味道香甜突出🍍, 好清新, 係夏日必試既飲品☀️! 仲有菠蘿果肉及粒粒珍珠, 珍珠質感Q彈, 口感豐富。//宇治抹茶拿鐵 (+仙人掌丸)//有漸層效果, 加上粉紅色仙人掌丸🌵, 顏色好靚, 好吸引😍!以靜岡宇治抹茶粉製作, 抹茶味濃郁🍵, 同時充滿奶香。仙人掌珍珠有嚼勁, 份量超多的。//黑芝麻珍珠綠拿鐵//黑芝麻珍珠係用真芝麻搓出來的, 咬下去會食到粒粒芝麻, 味道夠香。建議選擇少甜。