Video
Read full review
2022-06-15
46 views
【飲食】Summer Cheers｜雪糕、果茶、蝶豆花特飲系列｜用料足、夠creamy！夏天最啱就係飲消暑飲品，PizzaExpress推出全新「Summer Cheers」特飲系列，分別有雪糕、果茶、蝶豆花特飲系列，我試咗其中兩款，賣相、味道，新鮮程度，絕對令人難以忘懷！今次食咗蟹肉白酒汁意粉、意式蟹肉番茄醬、牛油果雪糕特飲、鹽味荔枝特飲、朱古力心太軟。(餐牌在文末）蟹肉白酒汁意粉 HKD 162意粉旁有一塊檸檬，當檸檬汁混合意粉、蟹肉，感到更加開胃、將蟹肉鮮味提升；隔住口罩已經聞到濃郁蟹肉香味，蟹肉份量多，唔係一絲絲而係一大撮！咀嚼意粉後，白酒汁慢慢滲出嚟，加埋香草味、檸檬香味，感覺唔錯。意式蟹肉番茄醬 HKD 98呢個配上幾件薄餅，吃得出係即時焗、唔係預先焗定，因為薄而脆而帶有韌度！蟹肉番茄醬好香又開胃，每一匙都有絲絲蟹肉，配埋香脆薄餅，唔錯！牛油果雪糕特飲 HKD 78牛油果味好濃郁，唔知一杯特飲用幾多牛油果整成，成杯好creamy、好rich；頂部仲有牛油果，熟度剛好，軟滑又香！飲完呢杯真心好滿足，又好有邪惡感。鹽味荔枝特飲 HKD 58杯邊有少少鹽，飲特飲同時嚐到咸味，呢種
【飲食】Summer Cheers｜雪糕、果茶、蝶豆花特飲系列｜用料足、夠creamy！
夏天最啱就係飲消暑飲品，PizzaExpress推出全新「Summer Cheers」特飲系列，分別有雪糕、果茶、蝶豆花特飲系列，我試咗其中兩款，賣相、味道，新鮮程度，絕對令人難以忘懷！
今次食咗蟹肉白酒汁意粉、意式蟹肉番茄醬、牛油果雪糕特飲、鹽味荔枝特飲、朱古力心太軟。(餐牌在文末）
蟹肉白酒汁意粉 HKD 162
意粉旁有一塊檸檬，當檸檬汁混合意粉、蟹肉，感到更加開胃、將蟹肉鮮味提升；
隔住口罩已經聞到濃郁蟹肉香味，蟹肉份量多，唔係一絲絲而係一大撮！
咀嚼意粉後，白酒汁慢慢滲出嚟，加埋香草味、檸檬香味，感覺唔錯。
意式蟹肉番茄醬 HKD 98
呢個配上幾件薄餅，吃得出係即時焗、唔係預先焗定，因為薄而脆而帶有韌度！
蟹肉番茄醬好香又開胃，每一匙都有絲絲蟹肉，配埋香脆薄餅，唔錯！
牛油果雪糕特飲 HKD 78
牛油果味好濃郁，唔知一杯特飲用幾多牛油果整成，成杯好creamy、好rich；
頂部仲有牛油果，熟度剛好，軟滑又香！
飲完呢杯真心好滿足，又好有邪惡感。
鹽味荔枝特飲 HKD 58
杯邊有少少鹽，飲特飲同時嚐到咸味，呢種鹽唔會勁咸，仲可以平衡番甜味；
配埋香甜荔枝特飲，甜同咸味估唔到又幾夾，令整體味道好特別。
杯裡仲有新鮮荔枝，香甜又爽口，感到幾新鮮。
朱古力心太軟 HKD 68
心太軟勁熱，離遠都聞到香味，頂部仲有雲呢拿雪糕，旁有濃郁藍梅醬，好開胃！
冰凍雪糕配上熱騰騰心太軟，冰火感覺好解膩、解滯。
而且心太軟係勁成功，外邊脆皮，內裡朱古力流心效果好似溶岩咁！
餐廳環境舒服，座位間寬闊，幾岩一班人食飯聚會！
Post
