茶記冰室 (Closed)

呢日嚟到茶記冰室食飯。第一次見到咁特別既菜，咕嚕肉就食過，但係冰鎮嘅就真係無見過，睇個menu仲以為同平時嘅咕嚕肉冇咩分別，點知等佢上枱嘅時候，見到好多冰係度，開始仲以為係類似啫喱嘅甜品望望下先知係冰。冰鎮咕嚕肉嘅質感好特別，凍冰冰，外脆內軟，酸酸甜甜，份量又足，我哋兩個人食都有剩，大份夾抵食餐廳環境唔錯，好有feel，menu上仲有其他幾特別嘅菜名，不過我哋驚食唔曬，淨係叫多三個餸，其中一個炒飯。如果下次叫多D friend一起嘅話就可以吃其他嘢，仲可以試埋呢度嘅雞煲，見其他人大部分都嗌雞煲，聞起嚟都幾香。另外，餐廳啲人嘅服務態度都幾好，啱啱入到間餐廳嗰時有啲不知所措，但隔咗一陣就有人主動幫我哋，感覺好nice😄。最後都想講多句，冰鎮咕嚕肉打破咗傳統嘅煮法，用咗一種好新奇又好成功嘅煮法，令到一個好普通嘅菜式變到好吸引，真係可以稱之為呢間餐廳嘅鎮店之寶。👍