茶記冰室 (Closed)

離晒大譜，叫個早餐成廿分鐘都唔出餐，本身8:30叫左餐預計有30分鐘時間食，拖到9點都未出餐，員工態度極差唔幫手追，由8:44催到9點一個簡單早餐都出唔到，全間餐廳都係催單既，趕返工切忌幫襯呢間，就算早出門口都會畀佢累死你，仲扮睇唔到個客揮手，服務態度差劣程度冠絕全港，累人累物早執早著

有日叫咗個下午茶餐吉列豬扒伴沙律外賣。點知打開見到塊豬扒俾人切咗一大忽！！即刻打電話俾佢地，問係咪搞錯咗？係咪有客食過退返俾佢，但佢再攞出嚟當外賣俾我？！佢堅持話唔係，冇人食過。我問咁點解俾人切走咗一大忽？聽電話個女人話可能係廚師覺得塊豬扒太大，所以要切走一忽！！咁嘅解釋仲離譜！！唔通炸咗隻雞髀出嚟覺得佢大隻又會切走一忽？！未見過囉！其實就咁睇塊豬扒冇咗一忽係比一般細塊d，咁又如何解釋？根本就係狡辯！後來個女人同意退款，不過第日當我去退款嘅時候，佢塊面黑到呢…..

一天的好心情完全被破壞甚至十分憤怒等個外賣等成半個鐘最慘佢現場堂食又唔係爆場但又唔俾我企係門口/坐低等要我係門口出面曬住等我見到堂食既就客都出出入入換左幾轉就行返入去問先話部機出唔到單咁堂食個D點解又有野食要我繼續行返出去門口出面等您有問題叫我入黎坐低等都好吖唔係我問仲要等幾耐都唔將我張單擺到最頭但都仲係狂出堂食既想食個早餐把幾火再更新 姐姐打漏單俾少野飲我無為意 但姐姐死撐2個麵餐都可以得一杯野飲咁我已經逐個餐叫 淨係一杯野飲唔問多句既仲要叫我想要返就自己行返落黎拎如果唔係等多幾個鐘忙完曬先考慮下搵人送過黎睇返張單 咁又識收我4蚊外賣盒錢定2個麵1杯野飲就要收4個外賣盒錢先服務態度咁差野食幾好食都無用囉甚至佢野食水準都只係中上所以絕對唔會再食呢間野

星期六朝早去食早餐, 啲態度趕客咁嘅款, 0尊重, 唔食就算咁嘅款, 嬲爆, 建議餐廳Review吓啲員工質素,唔建議大家去食受氣, 同埋本身質素都差咗好多, 香港就係比呢啲人搞灣晒。

本人第一篇食評，如表達得不好，請見諒😃年三十，2點左右去到安蔭街市附近搵食由於成朝未食過野，所以想食啲飽肚嘅嘢。經過呢間餐廳門口，見到下午茶餐兩點開始，餐牌好似幾多選擇，價錢唔算貴，所以就決定入去試一試！一行二人，入面八成滿坐，自行揀位，坐左張四人枱，座位闊落，枱與枱之間唔會太迫，室內光線充足，是蠻不錯的！一坐低，服務員遞上兩杯熱水，頗貼心的！然後看看餐牌，有包類，有炸物，有炒粉麵，款式什多！好多餐廳既下午茶炒飯都係得幾款，但呢間嘅炒粉麵多達26款，只係炒飯都佔咗六款，對於有選擇困難症嘅我10分頭痛😆經過多重考慮，我決定選擇好少餐廳有得供應嘅廈門炒米，$40包熱飲，我叫咗熱檸茶。而太后就叫咗鹹魚雞粒炒飯，熱鴛鴦，同樣$40。過了3分鐘，餐飲送上，熱檸茶茶夠香夠熱，有啲似雀巢檸茶嘅味道，唯一扣分嘅係只有兩片檸檬🍋，如果有三片就好啦！而太后既熱鴛鴦，茶唔夠香，唔夠滑，整體一般！10分鐘後，太后嘅鹹魚雞粒炒飯送上，熱辣辣，聞就冇乜鹹魚味，食落就有，鹹魚粒唔算多，雞粒適中！炒飯唔會好乾，亦唔會好油！食得出係即炒！份量適中！算有下午茶嘅份量！太后表示滿意，有7分！過多5分鐘，我嘅廈門炒米終於都到

食飯時間人多,食物會賣晒好正常ge, 我明白都可以接受。但係我已經係叫常餐瑞士雞翼撈公仔麵哩D簡單食物, 落單個時個店員無話有問題, 過多陣就走黎話瑞士雞翼無汁, 要轉印尼撈麵比我,咁我諗住轉個麵底姐無咩所謂, 點知佢講都無講,連D餸都換埋我的,  變左紅腸同漢堡扒!? 份量少之餘,佢仲要收我原本瑞士雞翼撈公仔麵個價錢, 咁合理咩? 有D差囉! 我要食撈麵配腸的話, 我去便利店買唔好!??  第一次食已經留下好差的印象, 以後都唔會再幫襯佢!!! 

這個茶餐廳的晚飯廚房似乎有點水準，Openrice高分，且燈火通明，高朋滿座，似乎很受街坊歡迎，就試試吧。點了兩個套餐，順便每人一盅例湯，看起來不錯唄，足料，大大塊蓮藕，軟糯，沒什麼師傅味！“椒鹽茄子”，茄子還很juicy，椒鹽底很惹味，整體味道不錯。“西蘭花炒蝦仁”，用心製作，加點彩椒、韭黃、蔥頭來整色整水，西蘭花份量雖然少了點，但起碼賣相花過心思，排得整齊，讓蝦仁和配料可放在中間，味道當然也不錯。還記得約大半年前來這裏吃過下午茶，廚房、水吧都可以，但因為清潔問題還是建材問題，地板很滑，這次好像沒了這問題，有裝修過嗎？不得而知。

今午首次光顧這街坊名店，已幾三時，便點了兩個下午茶餐，奶油豬及星洲米。塗在奶油豬上的牛油及奶油有點hea， 雖然不太影響味道，但這本不需任何成本的功夫及認真， 充分反映了這裏只維持了街坊水準。星洲米還可以，但有點乾，且沒有光澤，多點油會更好。菠蘿油可單點，才十二元， 抵食！菠蘿包內那塊牛油，如冷藏得更透會更好，才說得上是冰火菠蘿油，所以上枱時牛油已開始有點融化，有點影響口感。最後容許我說一句，也許老闆裝修時選錯了建材，樓面地上的小階磚雖然很漂亮，但也很滑，應該不是清潔問題，但米已成炊，無辦法，請多提點食客吧。

日常飯堂 呢間茶記以前幾乎日日都食 因為自己搬走左 所以都一段時間無食啦 今日經過附近 估唔到啲伙記仲認得我 今日叫左個小炒王同椒鹽鮮尢 兩個都鑊氣十足 同埋個涼瓜炒肉片 👍👍簡簡單單一餐 唔想自己煮 可以當呢到係一個唔錯既飯堂🤝🤝

用delivery叫外賣由落單到送到上門都係半個鐘左右菠蘿生炒骨偏甜 如果酸番啲就好乾炒肉片河唔夠味啲肉片直頭無味好似就甘用水淥熟就放落去兜兩野就上碟甘凍奶茶正常

今日去到探朋友，係附近就吃個早餐先🤪🤪🤪🤪🤪🤪，茶記個名岩晒。早餐都大致上差不多，價錢都一樣，今次就要試下金牌牛肉米，金牌沙爹牛肉米，份量都算差不多，牛肉都多，先上牛肉，沙爹味都香，牛肉都唔鞋，米粉都幾爽，撈起就連湯就剛剛好。熱奶茶，講真好飲不是每間，但呢間都算是不錯，茶香奶又滑，唔覺太濃又唔會太奶。加入小小糖。又真係幾好飲。😍😍😍😍😍😍另加上煙肉同太陽蛋加方包，都不過不失，所以食物都幾好😋😋😋😋😋😋🥺，算是不錯👌🏻提一提見佢有冰鎮鮑魚，38蚊又幾平幾好，可以試試

個個星期都會揾晚扮乖同媽子食飯，泊到車位就可以試其他餐廳，泊唔到車位就泊茶記門口，所以不知不覺茶記做咗我哋飯堂 🤣🤣食得多嘅關係，姐姐都認得我哋，同埋知道我媽坐底就要杯熱滾水，所以都會自動波 👍👍👍近排發覺佢哋個蜜汁欖角骨炒得唔錯，夠鑊氣欖角又夠多。我哋都會睇吓晚餐啱唔啱食先，通常都揀啲清清地嘅，呢次個勝瓜炒豬頸肉都唔錯。另外個茄子蚊䱽魚都過得去。佢哋啲例湯好多時都好得好夠味，但我食唔出無加師傅 🙈另外奶茶味道都算穩定 👍👍

晚上同朋友一齊去食，叫左鐵板雜扒餐，果然好大份，食唔哂成個餐。男士們就足夠食飽飽。味道都唔錯，仲有湯同餐飲。叫左雜果賓治飲😋好味👍🏻坐位都唔錯，仲有多選擇揀，有唔同既野食，值得推介既餐廳。會再光顧食其他野食🥰

難得今日又黎到葵興番工，葵興上邊出名多野食嫁啦，又想食curry ， 見倒呢間茶餐廳，門面乾乾淨淨，見餐牌45蚊 算不錯，就決定入去試試佢。員工態度不錯，唔會好趕咁落單。我睇完個餐廳，緊係揀番個馬來咖喱牛肉飯啦。咖喱牛肉飯黎到已經聞倒濃烈既咖喱味，飯就有d少，唔知可唔可以叫多飯，下次試一試，咖喱汁食落已經有好濃烈既椰汁味，不辣，用黎撈飯一流。除左個咖喱飯之外，紅湯唔錯，夠味夠料，埋單又可以俾octopus , credit card。岩曬我呢d鐘意草里數既人。👍👍

差不多一個月都最少幫襯一次嘅茶記，剛剛食完比較失望，係我食到慣咗佢啲味道還是真的退步咗?3 個人叫 3 個餸，其中一個唔係餐，但佢哋都會比 3 個例湯，但飯就得 2 個，無所謂啦我哋都唔係飯桶。例湯保持到水準好味夠甜，我哋通常都係叫一魚一肉一菜，菜叫咗西芹雞柳，西芹無問題但雞柳比較大雪味，所以我哋食晒啲西芹同腰果就算。涼瓜蚊䱽魚，正常味，好少有閃失。原本叫咗個肉餅，我食到有酸味，但其他 2 個味覺有啲遲鈍話唔覺有問題，直到見到另一檯話有味要退我哋即刻就跟住退 😅😅 然後補叫咗個欖角骨，欖角骨呢度水準都可以，但次次叫就會食到悶啦！