Rakuraku 樂拉麵 (康怡廣場北座) (Closed)

行開Aeon唔知食咩好，就去咗康怡廣場搵食。好耐無食拉麵既關係就試下呢間樂拉麵。中午有set lunch，包沙律或者汽水。一坐低就比龍蝦湯既香味吸引住，所以就毫不猶豫揀咗 櫻花蝦龍蝦湯拉麵 HK$89 。同其他拉麵店一樣，係有得揀麵既軟硬度，我就揀咗適中。而叉燒就揀左豚腩。拉麵一到，就見到有滿滿既櫻花蝦！食麵前飲啖湯，個湯有啲油，但充滿龍蝦味，配埋軟硬適中既拉麵，令人一啖接一啖咁食。個豚腩反而無咩特別，中規中矩。除咗麵同湯底之外，好欣賞佢個半熟蛋同炸蓮藕片，令成碗麵生息不少。如果可以單點炸蓮藕片做小食就好喇