18巷泰國餐廳 (Closed)

上次來到世貿中心隔離嗰間食日本野見到隔離間泰國餐廳都咁多人，今次又專登過嚟食吓！好在今次有book位，好多人，坐滿晒！這裏的環境很舒服，雖然坐滿晒人但係唔會覺得10分的迫！首先梗係食過最鍾意食嘅泰式生蝦！啲客夠新鮮甜美，特別個辣將有啲辣夠刺激，我最鍾意！18巷小食拼盤，他們的招牌小食拼盤果然不錯，超多種類：有蝦餅魚餅春卷豬頸肉粟米餅，蝦餅10分彈牙，新鮮熱辣勁好味，第二就係豬頸肉出來的時候仍然很多汁，而且很香！泰式燒牛肉沙律，又係配上夠刺激啲辣汁，同牛肉真係好夾，呢個真係10分推介！侍應介紹我哋今日嘅蟹好新鮮，我哋就叫一隻秘製黑椒辣蟹，個殼大過你塊面！超級多肉，這個辣度就剛剛好。而且好新鮮最後就梗係叫翻個椰菜苗，炒得也相當不錯！特別推介龍眼冰，一杯裏便有好多粒龍眼，用料十足，甜度足夠仲有限定的榴槤糯米飯，第一次食，鍾意食榴槤嘅真係唔可以錯過，好食個芒果糯米飯好多！整體來說，來到銅鑼灣世貿食嘢價錢公道而且好味，最重要係10分正宗的泰國菜