Video
Read full review
2018-09-03
62 views
近期勁興黑糖珍珠鮮奶，今次我試咗RBtea呢間，賣點係可以坐，慢慢嘆，唔駛喺街排到出哂汗，而且仲有小食同主菜食，食完再hea下，同frd傾下計....以前都久唔久都會過嚟食下嘢，一向覺得佢啲嘢食有水準，今次都冇令我失望！我同個frd一人點咗一杯黑糖珍珠鮮牛奶各加一球oreo 雪糕，再叫多個鹽酥雞拼盤做今日嘅下午茶！黑糖珍珠鮮牛奶，黑糖味重，珍珠有咬口，唔會太淋/太硬，鮮奶味好濃，而且賣相好靚，我個frd少飲鮮奶都讚不絕口！飲到咁上下，oreo雪糕溶起啲牛奶度，啲味幾夾！至於個鹽酥雞拼盤，即炸即上枱，鹽酥雞夠熱，夠脆，啲雞都幾入味，另外，台灣腸就相對細啲，但都幾好味，而炸蕃薯條係我至愛，好好味，唔似食薯條咁油膩，仲有幾塊蝦片拌碟，唔錯！如果想試黑糖珍珠鮮奶其實都唔一定喺街排咁耐，呢間都做到同樣味道！
以前都久唔久都會過嚟食下嘢，一向覺得佢啲嘢食有水準，今次都冇令我失望！我同個frd一人點咗一杯黑糖珍珠鮮牛奶各加一球oreo 雪糕，再叫多個鹽酥雞拼盤做今日嘅下午茶！
黑糖珍珠鮮牛奶，黑糖味重，珍珠有咬口，唔會太淋/太硬，鮮奶味好濃，而且賣相好靚，我個frd少飲鮮奶都讚不絕口！飲到咁上下，oreo雪糕溶起啲牛奶度，啲味幾夾！
至於個鹽酥雞拼盤，即炸即上枱，鹽酥雞夠熱，夠脆，啲雞都幾入味，另外，台灣腸就相對細啲，但都幾好味，而炸蕃薯條係我至愛，好好味，唔似食薯條咁油膩，仲有幾塊蝦片拌碟，唔錯！
如果想試黑糖珍珠鮮奶其實都唔一定喺街排咁耐，呢間都做到同樣味道！
Post
