皇茶冰室 (Closed)

今日探個住荃灣的朋友，探完介紹去路德圍搵食，行到去真係好多選擇，想平平地食小菜，揀了一間茶餐廳格局皇茶冰室，見到餐牌好多選擇，叫了黃金蝦、原條豉汁蒸倉魚同埋蒜蓉炒芥蘭。每個餐都跟一碗老火例湯，今晚係煲冬瓜湯，夠清潤，再上埋黃金蝦同白飯一碗及基本餐茶都係$75咋。黃金蝦，外層每隻蝦都被邪惡的蛋黃包住，蝦肉彈牙新鮮，蝦殼炸得酥脆香口，蛋黃成碟都係，至岩餸飯。豉汁蒸倉魚$78，睇相已好想食，上枱更覺得超底食勁大條，蒸得火喉剛好，肉質給實鮮甜。炒碟清菜叫了蒜蓉炒芥蘭$48，芥蘭爽脆。最後可加$12有杯特飲，分別叫了奶茶紅豆冰同龍鳳檸樂，紅豆好大粒喎。