十十四川料理 (Closed)

十十四川料理位於元朗，店內裝潢非常有氣派，感覺上都唔係好似一間典型嘅四川菜，反而更加似係chill 嘅西餐、bar、甚至酒店！點解咁講？因為佢有outdoor area，浪漫嘅波波燈，室內特別高嘅樓底以及美輪美奐嘅 chandelier，都令到用餐體驗滿足程度幾何級數提升😍食物更加係超水準！先來一個招牌菜酸菜魚，醉菜份量同汁調劑得非常好味，魚肉本身都好鮮嫩彈牙，吸收左湯底嘅精華令到肉質又滑又香，食到停唔到口😋燒乳鴿亦都係非常高質，乳鴿皮燒得好香脆，但係仍然能夠保持入面嘅肉質有口感又唔會韌，鎖住晒乳鴿嘅肉汁，加上選材優質，乳鴿真係非常young ，所以啲肉地先可以咁嫩滑！夫妻肺片份量好多，超級抵食，麻辣汁亦都好惹味，煙煙韌韌嘅口感，食完非常開胃😍一餐飯當然要有啲碳水化合物啦～絕對唔少得炒土豆絲，又飽肚又好味。而且餐廳係寵物友善，有養狗嘅朋友仔下次不妨嚟試下😁