Cocina 3 Tapas Restaurant & Bar (Closed)

琴晚同朋友仔去大角咀買近排好火紅嘅美國肉桂卷順便去附近嘅Cocina 3食西班牙菜<西班牙海鮮炒飯>食西班牙菜, 點可以唔食經典嘅西班牙炒飯? 呢間餐廳嘅炒飯超級大份, 大概有4、5碗飯咁多裏面有啲辣肉腸同海鮮, 食落咸咸地青口有啲乾身, 但大蝦鮮甜彈牙<西班牙香燒乳豬仔>呢個乳豬仔大食妹就激推脆卜卜嘅外皮, 入口即溶嘅油脂, 鮮嫩嘅肉質, 搭配清新嘅青瓜同多士, 食落好滿足<西班牙小食拼盤>另外, 我地仲嗌左份小食拼盤, 貪佢咩都有啲小食拼盤有炸蟹餅、炸芝士、炒磨菇同辣肉腸, 有2人份量炸芝士味道超濃郁呢<慢煮芝士菠菜雞肉卷>食到最後－道先發現嗌得太多食左兩舊, 打包做第二日午餐鮮嫩雞肉包住cream cheese, 食落都順口, 但可能係因為食到最後, 有啲膩<Nuts>值得一讚嘅係, 餐廳仲提供任添嘅粟米片, 畀你一路傾計, 一路食