天竜 (Closed)

喺荃灣行完街，見到呢間幾有日本feel嘅日本餐廳，佢地有串燒，丼飯，炸物，壽司，款式都幾多，價錢唔算貴，就入去試吓。中華冷麵呢個冷麵夏天食啱晒，入口涷冰冰，上面仲有勁多配料，有青瓜，蛋絲，火腿絲，蕃茄，d冷麵汁酸酸地勁開胃，冷麵質地煙煙韌韌，好好味。三文魚丼飯晚餐都幾抵食，有沙律同麵豉湯，三文魚份量都幾多，仲要係厚切，好肥美，仲有大量蟹子，非常滿足。鹽燒牛舌牛舌係厚切，質地勁爽口，燒到啱啱好，完全冇over到，加咗少少鹽燒已經好正。阿波（德島）酢橘雞皮串燒到d油脂冇晒，所以完全唔油膩，食落仲脆卜卜，好正。鹽雞中翼個雞皮燒到脆卜卜，而咬落去仲好juicy,勁正豚三品分別有豬心，豬脷同豬腩肉，豬心同豬脷都好爽口，而豬腩肉唔算太肥，燒到好香口章魚燒外脆內軟，入面嘅章魚粒都幾大粒，非常足料。唐揚魷魚鬚炸到勁香，d炸粉唔算厚，個味道好好味，勁香口。