Video
Read full review
2024-06-27
145 views
久唔久想食韓式炸雞，就會諗起灣仔呢間元組級「李家」，佢哋仲有唔少分店㗎，鵝頸橋店店面不大容納十數枱客，環境簡約企理. 韓式裝潢加上電視大屏幕掛住韓國歌曲，感覺恍如置身韓國地道小店. 飲品叫咗藍梳打同埋西柚味嘅冇酒精麗塔，顏色賣相夠晒賞心悅目，大大杯超清爽夠飲晒成餐. 餐廳有前菜提供，醃蘿蔔同菜絲沙律酸酸地口感清新開胃. ⭐️半半炸雞點咗原味同甜辣味. 每款有七八件左右好大份. 原味夠晒原汁原味非常香脆，炸粉唔厚雞肉嫩滑多汁. 甜辣醬偏甜相當惹味令人回味無窮. ⭐️芝士雞蛋卷蛋味香濃，蛋卷厚實質感滑溜，切開見到滿滿芝士，拉絲感十足好吸睛. 甜甜蛋香配上鹹香芝士同埋酸酸蕃茄醬味道豐富. 想食好味正宗嘅炸雞，呢間絕對係選擇之一.
飲品叫咗藍梳打同埋西柚味嘅冇酒精麗塔，顏色賣相夠晒賞心悅目，大大杯超清爽夠飲晒成餐. 餐廳有前菜提供，醃蘿蔔同菜絲沙律酸酸地口感清新開胃.
⭐️半半炸雞
點咗原味同甜辣味. 每款有七八件左右好大份. 原味夠晒原汁原味非常香脆，炸粉唔厚雞肉嫩滑多汁. 甜辣醬偏甜相當惹味令人回味無窮.
⭐️芝士雞蛋卷
蛋味香濃，蛋卷厚實質感滑溜，切開見到滿滿芝士，拉絲感十足好吸睛. 甜甜蛋香配上鹹香芝士同埋酸酸蕃茄醬味道豐富.
想食好味正宗嘅炸雞，呢間絕對係選擇之一.
Post
