烤焗工房

Open Now

Now Closed

其實自己本身已經幫襯過好多次呢間烤焗工房，基本上次次都係買魷魚鬚🤤，因為佢呢度整嘅味道，真係超香超好食，從來未喺出面食過差唔多level嘅。今日經開旺中，梗係要回味下好耐冇食嘅魷魚鬚，由佢定價$30食到依家加左價變$32，一拎到熱辣辣嘅魷魚鬚，前台收銀姨姨 (我估係老闆娘) 就好細心問洗唔洗要多支籤，因為我地有兩個人，真係細心😄。影張相試一試，以前食開嘅香味同外脆內軟嘅感覺依然喺度🤤，只不過份量少過之前，同埋魷魚鬚味冇咁濃，有啲啲失望🤔，不過依舊都係好食過出面嘅好多。希望下次黎食份量會多返少少啦，冇理由加左價但又少左㗎嘛🙊，食完唔夠喉。