巴打火鍋館

Open Now

Now Closed

最近天氣開始涼返，開始心郁郁想打邊爐，今日去咗元朗買嘢，喺YOHO附近見到呢間巴打火鍋都幾多人，多人食既實唔差，入到去原來係幾個舖位打通，都幾大，到咗八點左右就全場滿座，遲吓再黎最好訂定座就最安全胡椒豬肚湯有唔少腐竹，豬肚同酸菜，湯底初時只帶微微嘅胡椒味，當到打到中後時段個胡椒味就好突出，而豬肚都已經夠腍，仲有少少嘅胡椒香辣味餃子拼盤有芫荽，雲吞同韭菜餃，雲吞入面有大大隻蝦同雲吞舖食到嘅質素差唔多，而我最鍾意嘅就係芫荽餃，芫荽味香濃，加上豬肉香甜，真係唔錯北海道蟹棒呢個蟹棒味道正常，淥一陣都唔會好易散開美國雪花肥牛呢款肥牛，雖然睇落好似好少油脂，但淥熟後又唔會鞋同埋都食到牛肉既香甜，牛肉味都幾出，又大碟，幾抵食丸類拼盤有芝士腸，魚片頭，芥末芝士丸，芝士魚蛋同炙燒芝心丸，呢個拼盤都幾好手，啱晒兩個人嘅份量，可以試多啲款式即炸紫菜響鈴響鈴真係新鮮製作，上到枱仲feel到有熱熱地，放入湯底淥幾秒，都仲有微脆嘅口感，加上中間紫菜香味，令味道更豐富皇帝菜皇帝菜份量大又新鮮，放入湯底淥三到五分鐘，超好味😋生力啤打邊爐梗係要飲返支凍啤酒，一路食一邊啤啤佢