鳴橋燒肉料理 (Closed)

呢排秋涼，突然好想燒野食。但今日同女朋友兩個人就去韓燒算啦，揀左砵蘭街呢間主打燒肉放題居酒屋。呢度既放題價錢相當抵，但食物選擇同質素都唔少。首先當然有刺身，三文魚，帶子，北寄貝，甜蝦都好新鮮。最值得一讚既係馬刀貝，又爽口又鮮甜。燒既海鮮都有大蝦，青口，龍脷柳，帶子。熟食方面，天婦羅唔算太厚粉，炸雞脾菇好好食。烏冬都夠彈牙，味噌湯底唔會太鹹太濃味。最後就梗係主角燒肉，豬牛雞羊唔同部分都有，全部都夠哂味，而且好稔。最值得一試係一口黑椒腸，驚喜的係竟然係台灣香腸，甜甜地又有黑椒味，個皮燒到脆再食更正。雖然呢間餐廳環境唔算大，但小店都有小店既親切感，而且都坐得舒服。