段純貞牛肉麵 (MONTEREY Place)

Open Now

Now Closed

每星期都會去DONKI 補給糧食，早2日發現原來地庫有間台灣過江龍_段純貞牛肉麵。勁掛住台灣味道嘅我當然唔會錯過。麻辣嫩五花牛肉麵 $84餐廳有二款麵選擇，呢碗我揀咗細麵。麵質偏幼，掛湯一流。而湯底帶少少麻辣，十分惹味。牛肉肥瘦適中，唔會有太多肥膏。原味牛肉麵 $84呢款揀咗手工麵，麵質係闊身，比較有咬口。湯底味道濃郁。而牛肉十分有驚喜，肉味香濃，好淋。推介大家必食呢款新鮮豚肉鍋貼 （5件）$48豚肉鍋貼香脆。珍珠奶茶 $28胚牙珍珠奶茶 $28奶茶味濃，珍珠亦有咬口。餐廳環境舒適，食物有台灣嘅味道，終於都可以一解對台灣嘅相思之苦。