越湯

Open Now

Now Closed

越南生牛肉粉食得多，用A5和牛嚟做生牛肉粉都真係第一次食。今日嚟咗深水埗，就特登走過嚟試一試。一碗$88可以加錢要小食同特飲。有檬粉、河粉、金邊粉。我叫咗金邊粉，份量超級多，而且金邊粉靱性十足，拉超唔易斷。和牛舖係面應該有兩大片。浸落熱湯之後油香十足，入口即溶。佢哋啲湯亦係由和牛熬成，加入少少青檸，少少酸仲好味。佢哋嘅小食都唔錯，尤其是係蒜香牛油雞翼，外皮超級脆，蔗蝦亦都夠爽彈。最後飲番杯越南滴漏咖啡，咖啡香濃甜甜地完成一餐。