金蘭花泰國餐廳 (Closed)

因為M佬怕辣，所以我哋一向好少食泰國菜，耐到好似有成年無食過。今日返工嘅時候，同事猛話呢間位於銅鑼灣嘅金蘭花泰國餐廳唔錯，搞到我心郁郁今晚即刻試試。餐廳佔地全層，空間感十足，而且位處電車路旁邊，夠晒方便。泰式小食拼盤拼盤有齊蝦餅、魚餅、泰式春卷，而我哋最鍾意就係個拼盤嘅雞翼，拆咗肉，一大啖咬落去，好爽。鍾意食煎炸食物嘅一定要試。清邁咖哩雞麵面頭係炸到脆卜卜嘅炸麵餅，咖哩湯入面仲有索晒汁嘅粗麵，撈埋一齊食，半腍半脆，雙重口感！而且咖喱汁又香又滑，雞件好嫩滑，好好味。香葉辣椒肉碎炒飯辣椒炒肉碎一向都係夾生菜，原來將佢嚟炒飯都好好味！肉碎更可揀豬、牛、雞，鑊氣十足，夠晒辣，好過癮。泰式炒通菜食泰國菜又點可以無通菜呢？通菜新鮮青翠，火喉啱啱好，味道鹹香。飯後再飲個冰涼椰青，清涼解渴。