古早味休閒台灣 (Closed)

呢間台式餐廳之前係銅鑼灣都食過，又抵又好食，而且無論正餐、小食、甜品定飲品都超級無敵多種類，感覺就好似將成個台灣夜市搬左過黎咁，原來旺角都有間！行完街之後又可以去食飯，口痕又可以去食小食，食完飯都仲可以去食甜品！正！今日唔算太肚餓，但就行街行到攰，想搵個地方同friend 吹下水，食下小食，唸都唔駛唸就上左黎～小食方面本人每次都會叫鹽酥豆腐！外皮惹味，入面既豆腐滑到入口即溶！大推！然後我地每人點左個台灣刈包，其實未食過，見到menu既圖係一個饅頭包住塊五花腩，幾特別所以叫黎試下，個包size 唔大但食完都飽飽地，話晒都有肉有澱粉，饅頭加五花腩食落都幾夾，好似食緊漢堡咁，不過係唔熱氣既中式漢堡～口痕既我地仲叫左個滷水拼盤，一上枱就嚇親！超大份，而且有6款 (雞蛋、雞翼、大腸、豬耳、豬肚、腩肉）款款都量好多！而且超入味，食得出食材好新鮮乾淨，一d膻味都無！勁推！話就話唔肚餓，但最後食到捧住個肚走XD 十分滿足！