魚事者 (鴻達樓) (Closed)

魚事者經過旺角有一間外賣店好唔起眼，被左邊間小食店嘅排隊人士包圍住，所以勁難搵到呢間「魚事者」。最近呢間外賣店榮登「香港澳門米芝蓮指南2023」必比登推介小店，我經開就決定幫襯試下佢哋先，未買小食之前已經見到勁多Anson Lo，估計老闆勁鍾意佢，哈哈！後巷仲有一張立食枱仔，老闆勁細心，善用所有空間，比人立食之餘又唔會阻到街，呢個設計好掂，而且後巷輪椅又入到，巷內輪椅立食都係第一次，讚！！1.綿綿芝士汁吉列豬扒魚麵撈$58（9/10）呢碗吉列豬扒魚麵撈個魚麵勁多芝士汁，但芝士唔係拉絲，唔會食到好漏好飽，吉列豬扒炸粉薄，炸到豬扒好有肉汁，唔會好硬好乾，豬扒都有6件切咗條，麵方面原來有50%係用魚肉製成，係佢哋自己整，超有魚味同彈牙，非常正！2.又香又臭蒜油雞翼魚麵撈$58（9/10）呢碗蒜油雞翼魚麵撈唔知叫又香又臭，其實鍾意蒜油味唔會覺得臭，只會覺得香，超香嘅雞翼有5件，雞翼份量係超出我預期，麵方面原來有50%係用魚肉製成，係佢哋自己整，超有魚味同彈牙，非常正！3.「我要哂」小食拼盤$40（9/10）呢個小食拼盤有2粒魚肉燒賣、2粒芫茜燒賣、1條魚狗腸同3舊魚兵團，全部都落咗佢哋自己整嘅