滄浪亭

Open Now

Now Closed

香港好難搵好食上海菜，朋友就推介呢間俾我。中午時段去所以人特別多，餐廳環境非常狹窄，而且如果係兩個人食嘅多數都要同人搭枱。我哋就係兩個人去，之後就有兩個陌生人同我哋搭枱，唔係打對錯 係要坐四邊，所以真係有啲尷尬。🍜嫩雞煨麵 $57湯麵份量非常大，而且好足料有食唔完嘅菜同肉，入邊啲雞粒一啲都唔韌，而且菜唔會煮到腍晒仲係爽口。重點係個湯真係好出色，食到停唔到口。同其他餐廳一般嫩雞煨麵味道唔同，個湯係奶白色，有奶香味同雞湯味好濃郁，好似係落咗啲煉奶所以好creamy。🍖糖醋排骨 $52排骨份量好多，而且炸得好酥脆，但係又唔會好油膩。糖醋汁酸酸甜甜配搭埋一齊唔會覺得太漏。唯一就係骨頭比例太多，不過整體都好好食。🐔雞絲粉皮 $40本身對呢個雞絲粉皮冇咩太大expectation，因為間間食過味道都差唔多。但係食完之後真係出乎意料，個芝麻醬非常出色，花生醬味超香濃，而且醬都比得好足，唯一係啲雞絲有啲乾。餐廳環境逼夾，唔好預咗坐得好舒服咁食，不過整體味道真係好唔錯，會寧願坐逼少少都想食到佢個嫩雞煨麵。有機會下次試吓其他小食同麵。