樂天皇朝 (青衣城1)

Open Now

Now Closed

今日同老公去咗青衣城，去咗樂天皇朝食lunch ,因為我好想食小籠包，同埋佢哋嘅餐牌都有好多選擇，也有無肉餐單啱食素嘅老公。我哋叫咗呢啲：💛招牌原味小籠包💛皇朝擔擔拉麵🍜💛上海媽媽烤麩💛竹炭流沙包甜點：💜宮廷驢打滾💜香煎豆沙窩餅佢哋嘅小籠包真係必叫，每個都皮薄多汁，夾起上嚟又唔會穿，好食到我可以一個人食曬成籠都得😂老公就特別鍾意個擔擔面，麻醬花生醬味濃郁又帶點少辣，越食越滋味。仲有個甜品驢打滾都係我地好鍾意，好似糯米糍質地嘅皮有好多豆沙餡卷成，跟住外面就有啲好似黃豆粉包住。其他食物都唔錯，其實仲有好多嘢食都想試但係兩個人肚皮有限，唯有等下次有機會再試吓其他。