Video
Read full review
2023-05-10
79 views
點匠佳餚 (紅磡)紅磡必嘉街121號黃埔天地奇妙坊(第1期)地下G17號舖黃埔真係好多嘢食同埋好多人，奇妙坊入邊最多小店子，其中一間推介臥虎藏龍嘅地方，點匠佳餚，店名個匠字應該如店門一幅poster所指以工匠之心出優質之品，優質之點心。餐廳價錢大眾化，主菜炒粉面飯大部分都唔會過一百蚊，職員非常有禮貌，一坐低就有兩杯熱茶，雖然店員很忙，但一舉手嘅時候都已經好快有人來幫忙。平日嘅夜晚都好多人，滿座之餘仲有不少外賣，黃埔啲人都幾識食。必食推介一定係小籠包點匠小籠包仲有另外一隻蟹粉小籠包，同樣皮薄多湯，剛蒸起嘅小籠包熱辣辣，夾住hold起，小籠包保持喺差不多想爆汁嘅狀態， 皮薄到可以睇得到裏面等於半個小籠包既湯汁，而係唔會爆汁既，正。雞絲粉皮非常香滑既花生醬，爽滑既粉皮，青瓜乾身爽，三樣配合得天衣無縫，而家價錢只不過是$48，平靚正。鎮江骨主食揀左鎮江骨，無錫鎮江骨係切細塊的，一定會揀番啲係軟骨部位出嚟，有咬口之餘仲可以食得到有層次嘅醋同甜味。鎮江骨偏甜喎，分量好多，送飯一流，見到隔離食紅燒肉，好似好吸引，下次一定要黎試下。其餘嘅香煎牛肉包、話梅花雕醉雞脾都不錯，性價比超高，地理位置優越，職員
紅磡必嘉街121號黃埔天地奇妙坊(第1期)地下G17號舖
黃埔真係好多嘢食同埋好多人，奇妙坊入邊最多小店子，其中一間推介臥虎藏龍嘅地方，點匠佳餚，店名個匠字應該如店門一幅poster所指以工匠之心出優質之品，優質之點心。
餐廳價錢大眾化，主菜炒粉面飯大部分都唔會過一百蚊，職員非常有禮貌，一坐低就有兩杯熱茶，雖然店員很忙，但一舉手嘅時候都已經好快有人來幫忙。
平日嘅夜晚都好多人，滿座之餘仲有不少外賣，黃埔啲人都幾識食。必食推介一定係小籠包
點匠小籠包
仲有另外一隻蟹粉小籠包，同樣皮薄多湯，剛蒸起嘅小籠包熱辣辣，夾住hold起，小籠包保持喺差不多想爆汁嘅狀態， 皮薄到可以睇得到裏面等於半個小籠包既湯汁，而係唔會爆汁既，正。
雞絲粉皮
非常香滑既花生醬，爽滑既粉皮，青瓜乾身爽，三樣配合得天衣無縫，而家價錢只不過是$48，平靚正。
鎮江骨
主食揀左鎮江骨，無錫鎮江骨係切細塊的，一定會揀番啲係軟骨部位出嚟，有咬口之餘仲可以食得到有層次嘅醋同甜味。鎮江骨偏甜喎，分量好多，送飯一流，見到隔離食紅燒肉，好似好吸引，下次一定要黎試下。
其餘嘅香煎牛肉包、話梅花雕醉雞脾都不錯，性價比超高，地理位置優越，職員服務態度良好，坐得舒服，可以同屋企人食一餐舒服飯嘅地方，好多街坊都支持。
Post
