民華餐廳 (Closed)

今日黎到堅尼地城呢邊拜神，拜完之後就係附近搵野食，見到有好耐都冇食過既民華就決定食下🤤先叫個常餐 $41首先有蕃茄叉燒通粉蕃茄湯好濃郁，仲有啲蕃茄粒，通粉唔會過淋，好好食。叉燒係半肥瘦，食落甜甜地，唔會柴。要左炒雙蛋配多士炒蛋真係超好食，勁重奶味。多士夠哂香脆，配炒滑蛋一流！因為太熱所以就叫左紅豆冰，唔會太甜，紅豆份量又多，不錯！再叫多個西多士同人share，呢個真係超好食，一定要食！熱辣辣炸起，配上牛油同煉奶，真係超邪惡但又好滿足🤤🤤朋友要左五寶河，都幾大碗，偷食左粒魚蛋超彈牙又唔會腥朋友叫既齋啡，估唔到又幾好飲，唔太澀