八居酒屋 (天文臺道) (Closed)

途經天文臺道發現原來呢度隱藏咗間日式居酒屋🙈 小店主打多款日本料理，最出名應該係串燒，包括鹿兒島A4和牛、牛油帆立貝等，仲有最受歡迎嘅炸物、刺身、壽司、主食、日本酒，幾適合同朋友嚟chill吓～ 每次到居酒屋一定會食串燒😛 呢度嘅款式都幾多，雞翼大大件，燒得好香，外皮微脆，肉質嫩滑，而且好juicy！雞肉有兩串，上面塗滿甜甜嘅醬汁，感覺更加惹味～ 雞骨腸比較少見，賣相可愛，外皮脆脆，內裡軟嘅，口感好好😍 大蔥雞肉串又係經典料理，會話呢度嘅雞肉質素好穩定，樣樣有料，性價比高，可以一試！食完肉就到菜啦！煙三文魚沙律細細碗，三文魚鹹香味十足，配埋清新嘅沙律即刻解膩😆 另外有露筍、冬菇、秋葵同蕃薯，個人最鍾意蕃薯，估唔到可以咁甜，又香又軟，好味道👅 甜品以年糕串作結，呢個真係不得之了，軟糯帶點煙韌，好想食多幾串🥺