聚燒遙

Open Now

Now Closed

聚燒遙深水埗褔華街120號地舖今日約左朋友去深水埗買電腦零件，行到好肚餓，決定去食好西，經過見到呢間食串燒，係門口已經聞到好香既燒烤味，忍唔住即刻衝入去食。餐廳環境唔算特別大，但勝在坐得幾舒服，而且即叫即燒，上菜速度都唔算慢，全都都係熱辣辣架，由於我地實在叫左太多野食，所以唔逐樣介紹，其中有幾款食物我都覺得可以encore！燒牛舌超級厚切，而且個調味好惹味，食到停唔到口燒五花腩/燒豬頸肉勁爽口彈牙，脂肪分佈平均，完全無好油膩既感覺，而且全部啖啖肉。燒雞扒份量幾大，而且係蜜汁燒雞扒，食落甜甜地，D雞皮亦都燒到好香脆。燒明太子雞翼啖落好香明太子味，雞翼漲卜卜，口感非常豐富。燒翠肉瓜有5-6舊，食落好爽脆好好味啊牛油芝士焗雜菌面頭有超級海量既熱熔芝士，基本上每一啖雜菌都有濃濃既芝士包住，好有誠意啊！整體黎講呢間餐廳一定會ENCORE，因為超級近地鐵站，食完飯之後過條馬路就已經可以搭地鐵返屋企，而且所有食物價錢都非常親民，服務態度都一流，值得加分。