新記雞粥 (筲箕灣道)

Open Now

Now Closed

食雞粥一般都會諗起沙田同元朗，元朗呢間雞粥喺九龍同港島都有分店，唔使入元朗都食到元朗老字號雞粥，今次嚟筲箕灣分店試下水準。餐廳格局同一般茶餐廳差不多，雖然唔算闊落但感覺乾淨企理。餐牌上好多選擇，除咗招牌雞粥，亦有多款生滾粥，另外仲有多款小食、炒粉麵同小菜。貴妃雞粥即叫即製，用砂窩上枱份量都唔少，適合兩個人分享。淡黃色嘅粥底吸收晒雞油，口感綿密濃稠度剛好。貴妃雞非常嫩滑，就連雞胸都滑食粥一定要配炸兩，腸粉透薄滑溜，油炸鬼微脆。鮮蝦雲吞蝦肉爽口彈牙，每粒雲吞都有一整隻蝦，而且好香大地魚味。星洲炒米咖喱味濃郁，少少辣好惹味而且超有鑊氣，唔會太油膩，比好多茶餐廳更出色椒鹽海中蝦賣相好靚，一上枱就聞到好香椒鹽味。蝦殼炸到脆卜卜，連殼同蝦尾都可以食埋總括嚟講食物質素好，選擇多而且價錢好抵食。下次諗起想食雞粥都會嚟幫襯。