Video
Read full review
2022-07-21
523 views
「Green Waffle Diner」喺香港已經登陸多年，我由銅鑼灣翡翠明珠店就已經開始食。最近得知佢搬咗中環新舖，就決定搵晚放工試吓😛。中環店位於攞花街同荷里活道交界，大玻璃窗嘅門面好吸睛。呢度環境裝修唔錯，設有唔少窗邊同梳化位，店內亦掛咗盆栽作點綴🪴，而我就最鍾意天花板嘅波波燈，好可愛。但如果全場滿座的話，就可能有少少迫。餐廳保留咗傳統招牌菜式🍽，如鑊仔薯粒同窩夫等，佢另外仲有肉扒、全日早餐、意粉飯、漢堡包、三文治、沙律、小食同班戟等。菜式選擇繁多，可惜肚皮有限，食唔到幾多款。餐廳定價合理，人均消費二百蚊左右已經夠晒飽。燒八安士紐西蘭草飼肉眼配自家製香蒜薯蓉及蜜糖豆8oz Freshly Roasted Beef (New Zealand Grass Fed Ribeye) with Homemade Garlic Mash Potato and Honey Beans($148)，牛扒係期間限定菜式，每日限量供應。🥩肉眼扒係以英式烤牛肉嘅方式煮理，比較常見於酒店自助餐，估唔到呢度都有得食，價錢仲要唔貴。牛扒足八安士，厚切質感一流，肉身呈粉紅色，但就唔算好嫩，不過肉味好濃🐮，並帶
「Green Waffle Diner」喺香港已經登陸多年，我由銅鑼灣翡翠明珠店就已經開始食。最近得知佢搬咗中環新舖，就決定搵晚放工試吓😛。中環店位於攞花街同荷里活道交界，大玻璃窗嘅門面好吸睛。
呢度環境裝修唔錯，設有唔少窗邊同梳化位，店內亦掛咗盆栽作點綴🪴，而我就最鍾意天花板嘅波波燈，好可愛。但如果全場滿座的話，就可能有少少迫。
餐廳保留咗傳統招牌菜式🍽，如鑊仔薯粒同窩夫等，佢另外仲有肉扒、全日早餐、意粉飯、漢堡包、三文治、沙律、小食同班戟等。菜式選擇繁多，可惜肚皮有限，食唔到幾多款。餐廳定價合理，人均消費二百蚊左右已經夠晒飽。
燒八安士紐西蘭草飼肉眼
$148
21 views
1 likes
0 comments
燒八安士紐西蘭草飼肉眼配自家製香蒜薯蓉及蜜糖豆8oz Freshly Roasted Beef (New Zealand Grass Fed Ribeye) with Homemade Garlic Mash Potato and Honey Beans($148)，牛扒係期間限定菜式，每日限量供應。🥩肉眼扒係以英式烤牛肉嘅方式煮理，比較常見於酒店自助餐，估唔到呢度都有得食，價錢仲要唔貴。牛扒足八安士，厚切質感一流，肉身呈粉紅色，但就唔算好嫩，不過肉味好濃🐮，並帶少少羶味，幾特別！伴旁嘅薯蓉亦都出色，佢落得夠多牛油，口感Creamy，並帶有蒜香同香草味。
烤卡津雞肉薯粒鑊仔
$93
48 views
1 likes
0 comments
烤卡津雞肉薯粒鑊仔Roasted Cajun Chicken Skillet($93/baby)，雖然牛扒已經配上薯蓉，但都無阻我嗌招牌菜Skillet。🥔薯仔切成粒狀，四邊均煎至微微脆，中間部份則好軟淋。鑊仔熱辣辣送上，要小心唔好摸到🍳。除咗主角薯粒之外，仲有好多其他食材，非常豐富，包括卡津雞肉、水波蛋、西芹、青椒、車厘茄同洋蔥等。整體幾惹味，再配埋拉絲芝士🧀，邪惡到爆，幸得西芹同青椒混入其中，可稍為清新口蕾。
火焰玉桂香蕉窩夫
$93
2 views
0 likes
0 comments
火焰玉桂香蕉窩夫Banana Foster Waffle($93)，窩夫大大份，當正餐食都夠。🧇窩夫可選口味，我哋加咗$10轉杏仁奶燕麥Almond Milk Buckwheat🌾，食落果然特別重麥香。窩夫口感有啲似香蕉蛋糕，密度偏高，同一般格仔餅唔同。🍌香蕉並非以焦糖調味，而係蘸上肉桂粉，香味突出又帶少少甘味。最後仲有一球阿波羅雪糕，有三款口味可選，不過我揀嘅綠茶味就唔算好夾。
斑蘭牛奶咖啡
$63
2 views
0 likes
0 comments
題外話，中環分店亦係一間咖啡專門店☕️，佢門口位置設有一個Coffee Corner。喺附近返工，就算唔坐低食飯，都可以嚟買杯嘢飲。再者，嗌套餐原來可以免費添飲咖啡，啱飲嘅都幾抵！
總括嚟講，💚Green Waffle Diner多年嚟能夠保持高水準，食材新鮮兼且主張自家製作👍。如果我無記錯嘅話，鑊仔薯粒以前得一個份量，但而家有得揀，反而仲好！另一邊廂，餐廳好貼心、關注唔同人士嘅需要，特別提供低卡路里餐單以及生酮菜式，就例如班戟都有無麵粉版本😊。
Post
