Video
Read full review
2009-02-03
10 views
自從淘大開o左板長, 我同大少食壽司大都係去呢間. 每次晚飯時段都等好耐, 不過, 你o地可以係假日早段同下午茶時段去, 唔駛等就入得架啦. 我每次去都會食呢o的 :手卷 : 我好鍾意食呢度o既手卷, 因為佢o既紫菜大大塊, 又香又好味, 唔似外面一般咁無味道, 絕對係我食過最夠味o既, 唔知邊度來貨呢 ?鰻魚手卷 – 鰻魚外脆內嫩, 個鰻魚汁好好味, 有個師傅仔燒得特別好, 如果o個晚係佢負責燒o既, 我會叫埋特長海鰻.軟殼蟹手卷 – 件軟殼蟹上親都凍冰冰, 唔知係咪驚塊會影響塊紫菜質感呢? 軟殼蟹炸得好脆又啖啖肉, 如果可以熱上感覺會更好. 不過唔鍾意佢落太多沙律醬.壽司 :特長海鰻 – 外脆內嫩, 鰻魚汁味道适中, 唔太甜唔太鹹珍寶凡立貝 – 鮮甜抵食三文魚 – 大少必食,我只淺嚐一件. 有多筋o既又有入口即溶o既, 看彩數.炸蠔 - 完全食到蠔o既鮮甜, 炸漿唔會過厚軍艦 :三文魚子 – 有咬口, 呢個唔駛用豉油點都夠鹹蝦肉蝦膏 – 唔記得個名啦,我細啖食,一件就可以試哂三個味道 (蝦, 蝦膏, 蝦+蝦膏), 抵 !鵝肝 - 煎得香, 入口即化, 不過一件好啦, 唔係就太膩海
手卷 :
我好鍾意食呢度o既手卷, 因為佢o既紫菜大大塊, 又香又好味, 唔似外面一般咁無味道, 絕對係我食過最夠味o既, 唔知邊度來貨呢 ?
鰻魚手卷 – 鰻魚外脆內嫩, 個鰻魚汁好好味, 有個師傅仔燒得特別好, 如果o個晚係佢負責燒o既, 我會叫埋特長海鰻.
軟殼蟹手卷 – 件軟殼蟹上親都凍冰冰, 唔知係咪驚塊會影響塊紫菜質感呢? 軟殼蟹炸得好脆又啖啖肉, 如果可以熱上感覺會更好. 不過唔鍾意佢落太多沙律醬.
壽司 :
特長海鰻 – 外脆內嫩, 鰻魚汁味道适中, 唔太甜唔太鹹
珍寶凡立貝 – 鮮甜抵食
三文魚 – 大少必食,我只淺嚐一件. 有多筋o既又有入口即溶o既, 看彩數.
炸蠔 - 完全食到蠔o既鮮甜, 炸漿唔會過厚
軍艦 :
三文魚子 – 有咬口, 呢個唔駛用豉油點都夠鹹
蝦肉蝦膏 – 唔記得個名啦,我細啖食,一件就可以試哂三個味道 (蝦, 蝦膏, 蝦+蝦膏), 抵 !
鵝肝 - 煎得香, 入口即化, 不過一件好啦, 唔係就太膩
海膽 – 入口即溶, 鮮甜味美
小吃 :
清酒煮三文魚頭 - 純粹抵食
玉子 – 個人偏向熱食, 蛋味香濃
北海道粟米 – 可以生食o既粟米, 好鮮甜多汁, 不過食水深, 細細舊賣到好貴. 如果有機會冬天過去北海道, 自己去買半打返香港打邊爐都好好味架!
食過咁多間板X系列o既壽司店, 九龍灣分店最好味 !
Post