樂天大喜屋 (Closed)

終於放寬四人一台，嗱嗱聲約朋友食轉放題先🎉，今次揀咗旺角嘅樂天大喜屋位於創興廣場，預早book定位12點就開始食啦，餐廳地方好大座位又多，用QR code落單，環保又方便，仲可以睇返自己叫左咩野食，唔怕重覆。餐廳門口就有好大個雪櫃放飲品，仲有我最鍾意的無糖茶、果汁、啤酒🍻刺身嘅款式好多啊，有三文魚、油甘魚、希靈魚、甜蝦、虎蝦、牡丹蝦、帶子、北寄貝😍肥美又鮮甜，牡丹蝦真係好大隻又彈牙爽口，除咗刺身又點少得叫埋壽司呢😁我就最鍾意火炙系列，芝士蟹棒黃金、燒火炙三文魚腩、海鹽燒左口魚裙邊都好好食😋係時候食返啲熟悉暖下肚，推薦極上花膠盛宴，花膠炆到好林，女士們可以補充下骨膠原😍仲有蒜片炒牛柳粒，充滿牛油香味，又唔會靭。仲有個上湯燴大蝦球都幾出色，大蝦夠晒彈牙👍🏻燒物又點少得羊架，芝麻雞翼，榴連球🥰最後食埋甜品，雪糕、雪條、豆腐花、布甸等等咩都有😃其實自助區仲有好多熱食，一次試唔哂咁多野食呀，下次再食過🤩