22 Branch Oyster Bar & Restaurant (Closed)

假日去呢間生蠔酒吧西餐，食咗個$988二人餐真係超值！裡面有好多精選嘅菜式，全部都用心製作。首先係四隻新鮮生蠔，每一隻都好鮮甜，真係帶你嚟到海鮮嘅天堂😍另外前菜揀咗煙燻西班牙乳豬。佢嘅煙燻味道好突出，乳豬外皮香脆。香煎鵝肝係另一道前菜。鵝肝煎得剛剛好，如果你係鵝肝迷，真係絕對唔可以錯過。蟹肉龍蝦🦀🦞濃湯有濃郁嘅蟹肉同龍蝦味道，好鮮美。湯底濃稠，好滋味😗主菜揀了兩款，第一款係佢傳統意式蒜香蜆肉扁意大利麵有少少香辣味道，蜆大大隻幾鮮甜。另一款揀了炭燒美國黑安格斯肉眼扒，真係肉食愛好者嘅最愛。個扒炭燒得好恰到好處，肉質鮮嫩，每一口都好享受。最尾嘅甜品都好吸引，賣相好靚😍係朱古力慕絲蛋糕同伯爵茶卷蛋。朱古力慕絲蛋糕滑順香濃，伯爵茶卷蛋茶味香濃，甜品唔會太甜。飲品方面，揀了榛子海鹽拿鐵同熱檸茶。呢個$988二人餐食埋甜品同飲品，真係一個完美嘅用餐體驗。