Video
Read full review
2021-04-08
321 views
前排食過太子區人氣豐信餃子，網上好評如潮，點知冇我想像中咁好味，失望☹️甜記餃子同樣係近排人氣餃子店之一，經過上次經驗，唔敢再對餃子店有太大期望，平常心，點知呢間又俾到驚喜我喎😍可選擇湯餃或煎餃，亦可選擇單拼或雙拼。口味選擇多到七彩😂有咁多隻味當然要揀雙拼，但如果有雜錦口味就更好，每隻味都可以試，唔洗咁煩惱揀邊款🤤。結合網友推薦同埋我自己鐘意既口味，最後揀咗粟米芝士雞肉餃&洋蔥牛肉餃。因為我係外賣既關係，就唔會選擇湯餃啦，費事俾啲湯浸到淋晒。老實講， 十隻雙拼煎餃($46)價錢唔平，但留意番其他一樣都係出名嘅餃子店同樣都要咁上下既價錢，所以要講貴，呢間應該唔算最貴。因為即叫即煎，外賣煎餃拎到上手非常熱辣辣。外賣煎餃比外賣湯餃既好處就係凍左翻熱依然可以試得出餃子既質素👍🏻雖然拎到返屋企係凍咗，盒入面仲要有好多水蒸氣，但煎一煎或者用氣炸鍋焗一焗味道口感依然好正😋。睇返餃子質素，因為本身已經煎得好香，我用咗氣炸鍋略微焗一焗同新鮮煎出嚟冇分別，所以要餃子質素本身要好好先做到咁嘅效果👍🏻餃子size唔算大粒，但煎得夠香脆。餡料方面，粟米芝士雞肉真係堅好食😋肉質紮實又唔會太嚡，有啲肉汁，粟米量夠多，
甜記餃子同樣係近排人氣餃子店之一，經過上次經驗，唔敢再對餃子店有太大期望，平常心，點知呢間又俾到驚喜我喎😍
可選擇湯餃或煎餃，亦可選擇單拼或雙拼。口味選擇多到七彩😂有咁多隻味當然要揀雙拼，但如果有雜錦口味就更好，每隻味都可以試，唔洗咁煩惱揀邊款🤤。結合網友推薦同埋我自己鐘意既口味，最後揀咗粟米芝士雞肉餃&洋蔥牛肉餃。
因為我係外賣既關係，就唔會選擇湯餃啦，費事俾啲湯浸到淋晒。
老實講， 十隻雙拼煎餃($46)價錢唔平，但留意番其他一樣都係出名嘅餃子店同樣都要咁上下既價錢，所以要講貴，呢間應該唔算最貴。
因為即叫即煎，外賣煎餃拎到上手非常熱辣辣。外賣煎餃比外賣湯餃既好處就係凍左翻熱依然可以試得出餃子既質素👍🏻
雖然拎到返屋企係凍咗，盒入面仲要有好多水蒸氣，但煎一煎或者用氣炸鍋焗一焗味道口感依然好正😋。
睇返餃子質素，因為本身已經煎得好香，我用咗氣炸鍋略微焗一焗同新鮮煎出嚟冇分別，所以要餃子質素本身要好好先做到咁嘅效果👍🏻
餃子size唔算大粒，但煎得夠香脆。餡料方面，粟米芝士雞肉真係堅好食😋肉質紮實又唔會太嚡，有啲肉汁，粟米量夠多，只係冇咩芝士味，但只要唔好抱住有好濃郁芝士味既期待去食，就完全唔影響呢款口味既好食程度。
洋蔥牛肉餃煎得同樣好香脆，用咗紫洋蔥所以味道甜甜地，如果肉餡可以再甜少少🤏🏻就更好。
總括嚟講，個人覺得粟米芝士雞肉比洋蔥牛肉味好食，但整體呢間餃子係「堅」好食。
粟米芝士雞肉餃
137 views
0 likes
0 comments
洋蔥牛肉煎餃
57 views
0 likes
0 comments
Post
