樂天經典 (奧海城二期)

Open Now

Now Closed

餐廳主打新加坡式中菜, 環境闊落有空間感, 座位坐得好舒服。𓊈星洲盛宴新加坡風味套餐 $𝟼𝟼𝟾𓊉套餐包括前菜小吃, 螃蟹, 熱炒, 飯, 粉麵, 甜品同飲品, 樣樣都有幾款可以揀, 可以自選心水小菜。𓆹 前菜小吃 ✧ 星馬金磚豆腐份量好多, 豆腐外皮非常酥脆, 炸粉好輕薄, 一入口就溶咗, 內裡嘅豆腐好柔軟, 好好食!𓆹 螃蟹 ✧ 星洲黑胡椒螃蟹螃蟹用黑胡椒醬汁炒香, 食落好惹味, 蟹肉嘅熟度剛剛好, 肉厚而且鮮甜, 非常有星洲風味, 大推!𓆹 熱炒 ✧ 沙拉排骨排骨外層蘸滿沙拉醬, 味道甜甜地, 排骨肉質好軟腍, 好適合餸飯食。𓆹 飯與粉麵 ✧ 臘味炒飯臘味炒飯炒得好惹味, 裡面有臘腸, 潤腸同香蔥, 有鑊氣而且粒粒分明, 鹹香味十足!𓆹 甜品 ✧ 招牌酸柑香茅凍甜品充滿香茅香氣, 味道唔會太甜, 清新解膩。𓆹 飲料 ✧ 可樂𓇊 整體食物質素好高, 值得推介! 另外為慶祝樂天經典康城店開業1周年, 只要喺晚上6點後入座, 消費滿 $350即可+$1換購新加坡海南雞1隻。