韓宮 (Closed)

呢間係紅磡兆民街黃埔地鐵站A出口既韓國餐廳係由韓國人親自主理，地點方便易搵。餐廳既裝修係以傳統韓國家庭式為本，比人感覺和諧舒適。宜家仲做緊超抵食優惠，晚市限定2人一隻$68既醬油蟹👍真係必食😋餐廳提供一般既韓國料理，包括韓燒、醬油蟹、韓式飯麵、仲有炸雞薄餅等等…一定滿足到各位韓迷。Menu呢度前菜有4款，包括泡菜，菠菜，醃蘿蔔同焦糖薯仔，等你可以開開胃醬油韓國蟹+白飯$198（晚市限定推介價$68）呢個醬油蟹size正常，蟹肉蟹膏鮮甜，醬油醃製得好入味，加檸檬汁拌勻連紫菜飯食真係一流，重點係$68咋超抵食BBQ Set C$499呢度既韓燒係一大盤直接咁上枱燒，方便咁善用張枱既空間，不過如果有服務員幫手燒就會更會加好。呢盤烤肉有牛肋骨、牛五花、五花腩、豬頸肉、腸仔、茄子、大豆芽菜、芝士…整體上黎講d肉全部都ok，冇話鞋口，食落質感都可以，而我最欣賞係個牛肋骨，因為佢醃製得好好味泡菜豬肉/海鮮煎餅$148呢度可以嗌鴛鴦煎餅，滿足到有選擇困難既朋友，一次過可以試晒兩款口味煎餅香脆入味，足料而且大大份，抵食