I am..bakery

Open Now

Now Closed

入面好嘢都好食，我最鍾意曲奇，尤其是咖啡朱古力味！👍🏼😋今日其實都仲有買菠蘿包，椰撻，蛋白蛋糕同方包。不過蛋白蛋糕好快已經比爸爸KO咗一大半，影唔到全相啦～😅🤣咁其實我嗰個曲奇我都唔覺意食咗兩塊先記得影😜好多時都會買芝麻豬，因為可以返屋企可以變做蒜蓉包又得，花生醬煉奶多士又得，不過我最鍾意變做熱狗包。菠蘿包又係，可以變流心芝士。爸爸之前剩係食麥包（以前係一個大麥，而家變咗6粒小麥），暫時食厭咗，所以佢而家偶意會食雞尾包，菠蘿紅豆包，今日佢試蛋白蛋糕。其實蛋撻，芝士撻，方包，蛋糕仔都係最常會買啲嘢～而且而家成日都有買3送1，咁個個都會買多啲。