Pancake House HoiHoi (荃新天地) (Closed)

之前一直好想食 ❥⧽𝐏𝐚𝐧𝐜𝐚𝐤𝐞 𝐇𝐨𝐮𝐬𝐞 𝐇𝐨𝐢𝐇𝐨𝐢 ❥⧽嘅梳乎厘班戟, 但係好多時都好多人, 今日特登喺non-peak hour 去, 終於食到喇。餐廳以淺木色系為主, 環境好舒適, 枱與枱之間嘅距離好足夠。𓊈三重蜜瓜梳乎厘班戟𓊉蜜瓜梳乎厘班戟個賣相好靚呀! 面層嘅忌廉充滿蜜瓜味, 好香, 食落一d 都唔甜, 班戟好鬆軟, 軟綿綿, 中間有士多啤梨果肉做夾心, 甜甜酸酸, 唔覺唔覺就食曬, 真係好好味!𓊈鐵板名古屋茄汁海蝦腸片意粉𓊉用鐵板上嘅意粉熱辣辣, 有4隻大蝦喺4 邊角, 隻隻都好大隻又爽口, 意粉掛滿茄汁好開胃, 底層仲有蛋餅, 又靚又好食!𓊈曲奇沙冰𓊉喺熱辣辣嘅時候飲一杯沙冰真係涼浸浸, 雖然係Cookie & cream, 但係一d 都唔甜, 個質感仲有少少似雪糕咁。𓊈芒果沙冰𓊉杯沙冰好重芒果味呀, 飲落好smooth, 裡面仲有芒果肉, 正!✧✧ 整體食物飲品都好好, 店員好有禮貌, 環境又好舒服, 好值得再去。