Video
Read full review
2021-08-07
144 views
難得放假，想飲下茶食吓點心Hea下，見到呢間食潮州菜嘅中菜館，男朋友想食蠔仔粥，見到啲裝修都幾靚幾時尚，坐位闊落舒服，於是試吓。鮮蠔仔泡粥呢個潮州粥其實有啲似泡飯，好足料，肉碎同蠔仔份量超多，蠔仔完全冇腥味，隻隻都飽滿，新鮮冇沙，超正。粥好鮮甜，加上好多芹菜粒，成個粥好香，方魚脆脆增加口感，2個人share 啱啱好。呢個一定要趁熱食，因為凍左即刻會無咁好味。鮮蝦菜苗餃大大件蝦肉，蝦肉好爽好彈牙，同菜苗配合得宜，少少蒜香味，食落好新鮮，好清爽。潮式煎九菜棵以前未食過，不過見menu幅相幾靚，所以叫來試吓。外皮有別於平時食嘅韭菜餅，係用澄面做嘅，外皮煎得好香脆，然後就係軟綿微Q嘅澄面口感，外脆內軟，幾特別。一咬落去，爆汁，超Juicy，裏面餡料有隻大蝦，好彈牙，加上韭菜好足料超香，唔錯，食到停唔到口。潮式鮮蝦荀棵棵有煎有蒸，諗住九菜棵係煎，所以呢個我地選左蒸，入面好多荀，好爽脆，加上蝦膠，味道一定有保證。香煎蘿蔔糕有d驚喜，煎得金黃香脆，好香蘿蔔味，唔會一嚿粉頭咁，加上蠟味嘅香，少少胡椒味，好香好惹味，個人推介之一。好耐冇飲茶啦，我哋對呢餐潮式飲茶都好滿意，食物都幾有水準，環境同服務唔錯，
鮮蠔仔泡粥
呢個潮州粥其實有啲似泡飯，好足料，肉碎同蠔仔份量超多，蠔仔完全冇腥味，隻隻都飽滿，新鮮冇沙，超正。粥好鮮甜，加上好多芹菜粒，成個粥好香，方魚脆脆增加口感，2個人share 啱啱好。呢個一定要趁熱食，因為凍左即刻會無咁好味。
鮮蝦菜苗餃
大大件蝦肉，蝦肉好爽好彈牙，同菜苗配合得宜，少少蒜香味，食落好新鮮，好清爽。
潮式煎九菜棵
以前未食過，不過見menu幅相幾靚，所以叫來試吓。外皮有別於平時食嘅韭菜餅，係用澄面做嘅，外皮煎得好香脆，然後就係軟綿微Q嘅澄面口感，外脆內軟，幾特別。一咬落去，爆汁，超Juicy，裏面餡料有隻大蝦，好彈牙，加上韭菜好足料超香，唔錯，食到停唔到口。
潮式鮮蝦荀棵
棵有煎有蒸，諗住九菜棵係煎，所以呢個我地選左蒸，入面好多荀，好爽脆，加上蝦膠，味道一定有保證。
香煎蘿蔔糕
有d驚喜，煎得金黃香脆，好香蘿蔔味，唔會一嚿粉頭咁，加上蠟味嘅香，少少胡椒味，好香好惹味，個人推介之一。
好耐冇飲茶啦，我哋對呢餐潮式飲茶都好滿意，食物都幾有水準，環境同服務唔錯，環境一流。另外可能因為奧運香港女子乒乓團體賽拎銅牌，食落特別開心好味。
Post
