探魚烤魚

Open Now

Now Closed

今日喺觀塘APM行街，經過見到呢間食烤魚嘅專門店，入面裝修幾靚，座位都坐得舒服，睇睇餐牌，都唔算太貴，所以入去試吓。我地叫咗蔥蔥蔥明烤魚，上枱份量都幾多，店員現場將一大條蔥切粒，令到成鍋烤魚更香蔥味，條魚勁大條，上面鋪滿非常多蔥花同青椒，仲有好多粒魚丸，魚丸食落好彈牙，佢地用爐保溫，所以食耐咗都唔會涷晒，仲係熱辣辣，條魚味道非常鮮甜，完全唔腥，好嫩滑，吸收晒d湯汁，好入味。易燃易爆小吃天團係不同類型嘅炸物，有蟹柳，四季豆，蓮藕，小酥肉和菜花，每款都好似日式天婦羅咁，炸到個外皮好薄好脆，非常香口。雞絲拌拌麵拌麵好惹味，酸酸辣辣好開胃，d麵食落煙煙韌韌，吸收晒d醬汁，好惹味，而d雞絲都幾嫩滑。囂張冰吉桶呢款飲品size真係超誇張，勁大桶，入面仲有柚子同檸檬，飲落酸酸甜甜，好開胃同埋解渴。正。