抖蛋馬來西亞古早味蛋糕 (啟德) (Closed)

老公知我鍾意食古早味蛋糕所以去開啟德一號嗰頭附近做嘢嘅時候見到有一間叫抖蛋古早味蛋糕就專登買返嚟俾我食。呢間店舖每日都會跟着嘅時間表新鮮出爐啲古早味蛋糕而且無加防腐劑，完全真材實料！我老公就買咗爆漿芝士古早味蛋糕返嚟，切落去啲芝士多到爆曬出嚟真係超級多芝士啊！食落口感軟綿，唔會好乾身，而且好重蛋香味因為件蛋糕都幾大件所以如果當日食唔晒個蛋糕只要請放喺雪櫃，留翻聽日食都冇問題，因為凍食嘅口感係另一番滋味，一樣咁好食！