中國廚房/台灣牛肉麵

Open Now

Now Closed

前幾日放工同家姐出去食飯，家姐想食中菜，見呢間花膠、黑松露系列套餐幾吸引就去試下，入座見枱面有齊濕紙巾、酒精液、口罩套，食得安心又放心🔸湯品湯係花膠竹笙濃雞湯，滿滿一盅入面有花膠、竹笙，食得出用左老雞，飲落清甜無味精，而家天氣涼左飲佢就岩晒，記住趁熱飲🔸黑松露蝦多士多士唔係炸到脆個種，係偏焾身而且唔索油，加埋黑松露多左層次感，記住趁熱食🔸黑松露手撕雞第一次食手撕雞加黑松露，配搭新穎又幾夾🔸鮮雜果咕嚕肉醬汁均勻包裹咕嚕肉，酸甜適中，肉香加上菠蘿食落幾開胃🔸黑松露蝦仁炒蛋炒蛋好嫩滑蛋味濃，蝦仁爽口夠新鮮🔸黑松露野菌肉絲燴伊麵伊麵食落唔油亦唔咸，份量十足🔸甜品紅豆沙加左陳皮，質地稠身唔會好甜老闆仲好大方請我地食皮蛋伴酸薑同清燉牛肉湯牛丸🔸清燉牛肉湯牛丸👍🏻牛丸有驚喜好爽彈，充滿肉汁食到好重牛味😍，湯一樣出色幾惹味唔係死咸，如果加埋麵一齊食一定係一碗美味嘅牛丸麵🔸皮蛋拌酸薑皮蛋晶瑩剔透，蛋白和蛋黃均呈墨綠色，蛋白半透明有彈性，美味濃香清涼爽口，蛋黃呈半流心😙。酸薑片爽脆無渣，味道可掩蓋皮蛋異味。酸薑的酸辣，加上細滑的皮蛋，好味道二人餐非常足料又豐富，足夠三個人享用，食到捧住個肚走