野郎Stone (Closed)

尖沙咀厚福街成條街都充滿美食，今次就揀咗街尾轉角一間專食牛扒既小店。呢度店舖真係好細，同時亦都好受歡迎，所以都等左一陣先有位。今次就揀咗比較少見餐廳會用嚟做牛扒嘅牛板腱，雖然牛板腱出名筋多，肉質結實，但呢度既牛板腱亦完全唔靱，肉味亦好濃，中意有嚼勁既人一定大愛。輕輕放上熱石煎幾秒就得，可以就咁配炸蒜片/加少少鹽/牛肉汁/柚子味酸汁，各有千秋。加左配菜，要左個薯蓉，加少少牛肉汁食超正。另外都加左個味噌湯，本身以為係好普通嗰種麵豉湯，點知原來係牛肉清湯再加面豉，所以牛肉味勁濃，口感亦好濃郁，真材實料，一定要試下！唯獨係店內油煙真係有啲勁，如果可以改善通風系統就真係性價比高perfect池喇。