新沙洞澡堂 (Closed)

朋友最近調咗去長沙灣工作，所以可以同佢約喺中間點食個lunch，今日我哋就揀咗呢間新沙洞澡堂。餐廳入面果然有個澡堂😂，真係玩味十足。我哋首先叫咗兩份小食，炸韓國午餐肉條賣相已經夠晒得意，一條條扮成薯條嘅午餐肉插喺午餐肉罐之內，真係好睇又好食。另外嘅炸甜薯拉絲芝士條就係正常平時食開嘅水準，都係咁好食，味道都冇得輸，因為我最鍾意拉絲芝士！然後我哋仲點咗新沙洞二人套餐，配搭非常豐富。套餐入面嘅炸雞有唔同嘅味道可供選擇，我哋就揀咗韓式柚子炸雞，半份總共有六件雞，韓式柚子醬淋上炸雞之後仲加咗芝麻，所以更加香口。套餐入面嘅拌飯可以揀韓式牛肉或泡菜豬肉，朋友唔鍾意食辣，所以我哋揀咗韓式牛肉拌飯，另外再加咗隻蛋，當堂又繽紛晒。煎蛋下面拌飯之上嘅牛肉其實相當多，而且用韓燒醬汁煮嘅牛肉特別惹味。魚糕年糕湯嘅湯底鮮甜，無論魚糕串定年糕嘅份量都相當多，好有韓式風味。藍柑橘白桃梳打特飲嘅藍色好靚好打卡able，白桃味亦好突出。而香檳葡萄梳打特飲感覺就幾清爽，味道亦唔錯。最後食埋個甜品，牛角酥窩夫同樣有好多唔同味道可供選擇，我哋就揀咗法式焦糖燉蛋。呢個牛角酥窩夫口感好鬆化，味道真係冇得輸！總括嚟講，呢度除咗環境靚