居酒屋·姫 (Closed)

岩岩去完日本番黎勁掛住日本D野食，老公就帶我黎呢間居酒屋食正野!嚴選季節特上六款刺身盛合六款刺身包括有帶子、葉血引、池魚、海膽、平政、腦天~款款都勁新鮮，其中葉血引同腦天都係好稀有，好難先食到!腦天唔講唔知原來係吞拿魚頭頂既位置，食落口感軟綿，葉血引甘甜芳香，口感彈牙!厚切牛舌芯厚厚既牛舌芯燒到好香，咬落香口油脂豐富~一串三件，食完一串正到即刻ENCORE多一串！手挽塩白鰻燒不嬲驚食鰻魚因為怕腥，呢個白鰻燒肥美得黎又夠香，唔錯！