劉興記生煎包專門店

Open Now

Now Closed

今日行過荃灣呢間有得食上海生煎包，出面poster都幾吸引，生煎包嘅相爆晒汁，睇睇餐牌，價錢大眾化，所以就入去試吓。未點菜，店員已經比咗杯豆漿比我地，佢話免費任飲，豆漿質素都唔差，好香豆味，好滑，冇渣，甜度適中，店員見我地飲完，又即刻refill，服務非常好。麻醬手撕雞絲粉皮呢個涼菜，份量非常多，雞絲好嫩滑，仲有大量青瓜絲，勁多麻醬，粉皮都彈牙，都幾好食。招牌生煎包主角生煎包上枱，熱辣辣，出晒煙，一篤開個生煎包，入面d湯汁湧出黎，勁多湯汁，湯汁好鮮味，而入面肉涵都好嫩滑，外皮煎到脆卜卜，好香口，勁好食。上海排骨拌麵配生煎包豬排炸到勁脆，豬排都好嫩，完全唔鞋，而d麵都好彈牙，個餐仲有1隻生煎包，都幾抵食。