Feast Oyster Bar and Restaurant (Closed)

我自己就好鍾意食生蠔🦪🦪，今次中環附近推出的生蠔放題就啱曬我，呢間餐廳位置旺中帶靜，餐廳好闊落，還有少少音樂🎼，比人感覺好chill🍸，好舒適。呢間生蠔專門店今次推出既120分鐘任食，除咗任食生蠔，仲有12種小食嗌，另外每位仲可以有額外多一份蒜香牛油焗西澳龍蝦半隻同鮑魚2隻，好抵食。今次呢隻生蠔系日本生蠔，鮮甜好有份量，肉質好爽口😋😋，配上白酒一流。今次我哋去只有一個開蠔師傅，不過都上得算快，基本上每次食完再Order都好快上，效率超高。呢間日本生蠔我個人覺得配少少辣椒汁更加美味。另外送既澳洲龍蝦同鮑魚，肉質彈牙同同調味十足，不過鮑魚就有D細，不夠都入味。佢有好多種小食，我嗌咗西班牙蒜片大蝦🍤，有d意料之外，佢食落去比龍蝦更加爽口，而且蒜味同辣味都調得好出色，推薦。置於佢既小食拼盤就不過不失，正正常常咁發揮，點汁就幾好食。最後我嗌咗好多好多生蠔，強烈推薦鍾意食生蠔既記得試下。地點📍 中環域多利皇后街15-16號地下埋單2位 727.6+1 買咗package。