Flat Iron Deluxe

Open Now

Now Closed

朋友想去南區買樓，睇完樓同佢去咗Flat Iron Deluxe食飯，呢間餐廳位於南岸奧華酒店四樓，裝修環境都幾風格，壁畫加水泥墻，用紅磚點綴，有啲似外國小酒館，系歐陸後現代主義風格，打幾適合打卡，餐廳椅凳充足，適合家庭聚餐或朋友聚會。搭配柔和的燈光，令用餐氛圍舒適。碳烤吞拿魚扒出面比較少見吞拿魚扒，梗係要試吓，賣相唔錯，份量足夠，搭配海苔脆脆、烤焗花生及清新的西柚、茴香和薄荷沙律，口感層次豐富，西柚仲要好多汁，質素新鮮。和牛肉醬意粉手切雞蛋闊條麵口感彈牙，豐富嘅和牛肉醬令意粉好有滋味，配上巴馬臣芝士，再用沙律點綴，值得一試。Deluxe Burger以6安士的安格斯漢堡扒為主角，加上自家醃菜和香脆洋蔥令口感層次豐富，配上香脆薯條，非常滿足。珍寶蟹餅則搭配牛油果醬，賣相唔錯，蟹餅香口。